Амина Совазасы хуэйзўди нүсыҗя. Тасы 1959 няншон зэ Хырхыз Республикади Москва районшонди Александровка щёнҗуонни сын-ёнхади.
1976 няншон ба Александровка щёнҗуонниди җундын щүәтон нянван, вудо Пржевальск (щянзэсы Каракол) чынниди җёйү училище литули, ба та 1980 няншон нянванли. Йиху 1981 – 1986 няншон зэ зочян Фрунзе (вуҗин Бишкек) чынниди Җёйү щүәйүанниди вурус йүян дэ вынщүәди буфынни нянли фули. Ба годын җышы дыйшон, нянчин җёйүан хуэйдо зыҗиди щүәтоннили, зэ җытар Амина Хиязовна ги щүәсынму җёли вурус йүян дэ вынщүәли зэмусы хуэйзў йүянли.
Зэ щүәтон нянди сыхур та зу щетуә сывынли. Ба зыҗиди сывын Амина Совазы зэ хуэймин боди мянзышон тали. Ту йигә жын, сый ба нянчин гўнёнди зуәзо канчўлэли – җысы юминди сыҗя Ясыр Шывазы. Зу ги Хырхызстанди Минжын сыҗя Я. Шывазы Амина Хиязовна йиху җүли хын җигә сывын. Ё фәни, Соваза Амина йинчўлэли на хуэйзў дэ вурус йүян щехади лён бын сывын фу. Зэ зыҗиди йисы шынди, чёмё сывын литу нүсыҗя тифәди заён тиму: щинэ, мучин, зыжан, щинэ щёнҗуон либянди сывын. Амина Хиязовна щехади юди сывын чынха чүзыли.
Щянзэ Соваза Амина линшу Садовое щёнҗуонниди «Азия» вынмин җунщиндини. Та зэ хуэймин щехуэй гуәди заён сышон цанҗядини. Ви җё хуэйзў вынхуа фаҗон, вў зыҗиди гўзыдини.
Чин ниму даҗя лян сыҗяди сывын жыншыйихар.
ГИ ХЫРХЫЗСТАНДИ МИНЖЫН СЫҖЯ ЯСЫР ШЫВАЗЫДИ 110 НЯНДИ СЫНЖЫРШОН
ХУЭЙЗЎДИ ВУГЫНЦЫР
Нисы минжынди вугынцыр,
Гуйҗун җёйүан.
Чёмё чүзы йисы шын
Мә дизы эрлан.
Зу ви гуйҗунди зуәзо
Пый нили лынфон.
Лынзы щяди ду дали
Мә кан неҗон.
Гуонсы ниди пичи зын,
Нин шә мә ван.
Тян ду быйли, дў йүнли
Ви чёмё йүян.
Ни җынҗанли, за гынли
Ги худэ йиман.
Ви хуэйзўди го вынмин
Тян дади бынсы щян.
Дуәшо нянлуй тондёли
Ви хўшан зуәзо.
Йи хә йүнчи зоҗуәли,
Җунли ги да, щё…
МӘЮ БЯН, ЯН…
Мәю бян ян җүнмыйди
Ниди чё сывын.
Тади видо ду юни
Цуан хуар ю дуә нун…
Чунтян литу лондини
За чёчёр, есын.
Хонхор литу задини
Вә еди шынгын.
Е чон хуәли җин тэён,
Фоншу зэ чинхэ.
Пыйли йипын бый йүәлён
Суй мыйхуар сакэ…
Мәю бян, ян, җүнмыйди
Ниди сывын йин.
Чинзор литу чондини
Җундини гощин.
Җин еер ду дедини,
Щюлю – цы чютян.
Сывынди хонхор луәхали
Йицыр бый дунтян.
ФӘФӘ, ЩЁЩЁ…
(Ги Айша Мансурова җүгидини)
Фәфә, щёщё – Ни чонди
Сыҗи ги вава.
Фәсы: - Таму ду щинтын,
Хандундун нэ фа…
Мо нянҗинни дуә гощин,
Щинни ю щифа.
Фәсы: - Йиче нэ нянфу,
Дый җышы, тинхуа…
Йибозы хун хуар нын дуанги
Ги зыҗи мама.
Нэ тин нэнэди гўҗер,
Е бу зо мада.
Дуәще Нили, Ашәр җе,
Нян Ниди зуәзо.
Хубый дуәшо тёёнли,
Вынҗун, чын цэлё!
Дуәще Ниди, җин шынйин,
Хуа фәди чё.
Радиогифә хуэйзўди
Хубый вонбудё!
Чян ван, быйнян Ни зэди
Җүнмый щён модан.
Бэрэкэти, йүнчи Ни хәшон,
Йингәло – чин чүан!
УЧИТЕЛЬ
Сегодня нет тебя со мной
Учитель дорогой,
В какой стране твоя душа,
Летит с какой звездой?
Потомки все пришли, скорбят
Поникшись головой,
И ветры плачут, облака
Печаль у всех с собой.
Ты сеял радость, как цветы,
Над всей большой Землёй.
Как солнце, всем её дарил,
Добро, как шар земной.
Такой седой, такой родной,
Всем счастье подарил.
Но боль свою с собой унёс,
От всех их утаил.
Ты улыбался и смеялся,
Хоть плакала душа.
И никогда не унижался,
Слезу не уроня.
Ты был гордыней для потомков,
И будешь им всегда.
Певец великий и бессмертный,
Для всех на все века!
ГИМН УЧИТЕЛЮ!
Нам сердце и дело оставил своё,
Великое слово мы помним твоё,
Учитель!
Сиротская доля была тяжела,
но всё ж не склонилась твоя голова,
Учитель!
Ты трудный свой хлеб зарабатывал сам,
С кыргызом и русским делил пополам,
Учитель!
Ты лёгкую жизнь никогда не искал,
А всех нищих духом всегда презирал,
Учитель!
И в каждом из вас пусть горит этот свет,
Сердцами скажите злу «нет».
И этим вовеки вы память почтите,
Того, кого гордо зовём мы
Учитель!
НООРУЗ-ГЎНЁН
Хырхыз, хуэйзў җейинли
Чунтянди йин.
Чин фын фусор содини
Йүнцэ со җин.
Шынлан санзы чуаншонли
Лан тян тушон.
Хун жәту е дэшонли
Да бынлушон.
Муер тади йүанйүарди
Щёляр пыйшон.
Хуабу санзы җуандини
Нооруз-гўнён!
Сахў бый лян садини
Йиба җингуон.
Фын тохуар щён щёдини
Байир кэвон!
Йинторхуарди бый банбар
Кунҗунни щүан.
Щүәхуар бянли хи туфа,
Гўнён дабан.
Бавэ занҗин ду тёли
Нэгоди жон.
«Манас», комуз ду чонли
Хўчин лашон!
Фатима Машынхаева шелүхади цэлё.
